Takk takk

Nóg komið af áli. Af hverju ættum við líka að vera að búa til störf í Hafnarfirði, þegar höfuðborgarsvæðið er svo yfirfullt af störfum að aðeins 14-16 ára unglingar fást til að afgreiða í búðum, aldraðir fá ekki þjónustu og leikskólar eru undirmannaðir.

Af hverju ættum við svo sem að vilja þennslu þegar hún er að fara svona illa í okkur núna? Af hverju ættum við að vilja yfirdráttarvextina í 26%? Þegar Davíð Oddsson er kominn með áhyggjur af stóriðjunni, þá get ég ekki annað en trúað að áhyggjuefnið sé raunverulegt.

Allavega, takk fyrir þessa ásættanlegu kosningu og til hamingju Hafnarfjörður.  

 

E.s. Meðan ég man. Ég heyrði einhvern tala um það í gær að ef ál væri ekki framleitt á Íslandi er það framleitt annars staðar. Sennilega er það rétt. En það kostar þá meira að framleiða það (lágt orkuverð er jú ástæða framleiðslunnar á Íslandi), og ef það kostar meira er minna keypt af því. Víða er t.d. hægt að kaupa íste og ávaxtasafa í dósum. Ókolsýrðir drykkir hafa ekkert í ál að gera og ef ál verður dýrara en fernur verða þessir drykkir settir í fernur. Svona er mér sagt að bíssness virki þar sem hann er tiltölulega frjáls. Að sleppa álframleiðslu á Íslandi getur því vel haft áhrif á hversu mikið ál er framleitt í heiminum.  

Hafnfirðingar höfnuðu stækkun álversins

Athugasemdir

[baldur (IP-tala skráð) 3.4.2007 kl. 16:13]

Ég hef heyrt þau rök í málinu líka (veit ekki hversu góð þau eru í raun, en mér finnst þau sannfærandi í fljótu bragði) að markaður fyrir áli fari dvínandi þar sem mest af áframleiðslu hefur verið selt í vopna iðnað og flugvélaframleiðslu. Það sé hins vegar trend í þá átt að framleiða frekar vopn og flugvélar úr trefjaplasti, bæði vegna þess að það er ódýrara og léttara (og sparar þess vegna eldsneyti). Af hverju viljum við þá framleiða ál?