Er ekki búið að drepa á alla vegu allstaðar?

Þetta er ekki í fyrsta skipti sem þarf að klippa úr myndum eða sjónvarpsefni, eða jafnvel henda mynd sem byrjað er að framleiða, vegna þess að atriði líkjast einhverjum "high profile" atburði í BNA. Þetta þykir mér svo agalega bjánalegt að það nær ekki nokkurri átt. Eins og ekki sé búið að drepa einhvern á alla vegu allstaðar í heiminum? Nú hljóta atriði þar sem einhver er skotinn í húsasundi eða innan eigin heimilis að líkjast hræðilegum atburðum í lífi þúsunda, ef ekki tugþúsunda, Bandaríkjamanna? Ég er þó með nokkrar tillögur um hvernig drepa megi fólk í sjónvarpi án þess að margir þurfi að rifja upp eitthvað hræðilegt úr sýni lífi (eða fréttunum, sem virðist jafn hræðilegt fyrir suma eða a.m.k. jafn "offensive"). 

1. Sauma fyrir rassgatið á manni (úr kvikmyndinni Seven) og láta hann éta kúrbít þar til hann springur. Engin hætta á að nokkur Bandaríkjamaður hafi dáið úr grænmetisáti.
2. Ráðist er á fórnarlamb með blautan íslenskan fána. Hann er vafin eins og handklæði þannig að úr verði þungt barefli. Fórnarlömb eru svo lamin til dauða. Engin hætta á að fólk hafi upplifað það í alvörunni, enda íslensku fánalögin slík að dauðadómur (16 ár) hlýtur að vera dæmdur í slíkum málum.
3. Fórnarlömbin eru drepin með inntöku blárra m&m mola auk þess að drekka gamla neutrasweet diet kókið. Þetta er samt ekki mjög sínematísk leið að markmiði (dauða).
4. Barn deyr í boltalandi í bandarísku IKEA. Öryggisgæsla hjá stórfyrirtæki í BNA hlýtur að vera slík að enginn hafi einu sinni hóstað í boltalandi.
   

Óskað er eftir fleiri nýstárlegum leiðum til að drepa.

Skólaatriði Tortímandans endurskoðað

Athugasemdir

[Lárus Gabríel Guðmundsson, 26.7.2007 kl. 22:15]

Stórgott með fánann....frumlega hugsað  Sé fyrir mér fyrirsögnina: Barinn til ólífis með blautum íslenskum fána...

[Lárus Gabríel Guðmundsson, 26.7.2007 kl. 22:16]

Hvað með hálsskurð með fílshófaafklippum ?