Lygari

Hvar er þessi kaldi bjór í stykkjatali? Mér hefur a.m.k. ekki verið boðin slík þjónusta. Kannski fá þessir ógæfusömu einstaklingar að fara inn í bakherbergi þar sem boðin er úrvalsþjónusta líkt og klámhundar á vídjóleigum.

Annars þykir mér það þröng sýn á ástand miðborgarinnar (sem ég get ekki séð að sé slæmt, a.m.k. ekki á opnunartíma átvr) ef leysa á félagsleg vandamál með því að flytja til vínbúð. Villi hefur sýnt ótrúlegan vilja til að stjórna hegðun fólks í vissum hverfum, hvort sem eru spilafíklar í Breiðholti eða rónar við Austurstræti. Það er honum til lítils sóma, hvorki innan frelsisflokksins né utan hans. 

Vill vínbúðina burt

Athugasemdir

[arnar (IP-tala skráð) 17.8.2007 kl. 08:48]

Reyndar kaupi ég oft kaldan bjór í Ríkinu, og þá 2 eða 3.  Þetta er hægt í flestum Vínbúðum.

[Árni Gunnar Ásgeirsson, 17.8.2007 kl. 08:54]

Já, það er hægt í mörgum vínbúðum, en einmitt ekki í vínbúðinni við Austurstræti.

[Kristján Hrannar Pálsson, 17.8.2007 kl. 09:01]

Ég hef reyndar fengið að kaupa kaldan bjór í stykkjatali við Austurstræti. Þá fóru þeir með mig bakvið inn á lager og opnuðu einhvern pínulítinn ísskáp.

[Árni Gunnar Ásgeirsson, 17.8.2007 kl. 10:59]

Ertu að grínast? Getur einhver staðfest frá sögn Kristjáns?

[Magnús (IP-tala skráð) 17.8.2007 kl. 12:54]

Ég get alveg staðfest það sem Kristján segir. Þeir eru með lítinn kæli á bak við. Ef þú biður þá um kaldan bjór þá hleypa þeir þér í hann.

[Árni Gunnar Ásgeirsson, 17.8.2007 kl. 12:56]

Þetta þykir mér frábært skúbb. En þetta þýðir engu að síður að starfsmenn átvr hafa fullkomna stjórn á því hver fær að kaupa kaldan bjór. Þessir gæfu og ógæfumenn, sem Villi talar um, þurfa alls ekkert að fá að kaupa þennan bjór.