Árangri?

Þessi frétt er undarlega skrifuð:

Tvær hraðamyndavélar voru teknar í notkun við þjóðveg 1 í Hvalfjarðarsveit í sumar og hafa þær skilað umtalsverðum árangri. Í ágúst síðastliðnum voru liðlega 1.300 ökumenn myndaðir við of hraðan akstur.

Þarna er talað um umtalsverðan árangur en þó ekki talað um þann árangur þrátt fyrir að hann sé sagður umtalsverður...

Ég bara trúi því ekki að blaðamenn, eða lögreglumenn, haldi að 1300 hraðasektur séu árangur. Árangurinn sem við viljum sjá, vonandi þessi umtalsverði og óumtalaði, er auðvitað lækkun meðalhraða vegna minni hraðaksturs. Auðvitað getur verið að árangur í augum blaðamanns sé árangur við söfnun fjár í ríkissjóð. En hraðasektir eru undarleg leið við þá söfnun.

Annars er ég frekar hrifinn af hugmyndinni um myndavélar og vona sannarlega að þær séu byrjaðar að, og muni áfram, skila árangri. Það var auðvitað enginn að taka mark á þessum skiltum sem standa við þjóðveginn og minna á löggæslumyndavélar sem voru ekki til.

Fjöldi sleppur við hraðasektir

Athugasemdir

[Helgi Jónsson, 14.9.2007 kl. 15:44]

Ég gæti ekki verið meira sammála. Það getur ekki talist góður árangur að hafa sektað 1300 manns fyrir of hraðan akstur. En ef meðalhraðinn lækkar um 10 km/klst er hægt að tala um góðan árangur.