Lagasmíðakeppnin

Er ég að verða neikvæðari með aldrinum, eða var keppnin bara ömurleg í gær? Ég myndi ekki treysta neinu þessara laga til að skipa sæti nr. 9 á lagalista breiðskífu með Á móti sól. Jafnvel ekki til að vera b-hlið á smáskífu með Landi og sonum. Þá byrjaði keppnin stórkostlega þar sem Bríet Sunna sló falsnótu um leið og hún renndi inn í viðlagið. 

Þá mætti einhver Bergþór með lag sem lagði alla áherslu á orðið þú, en glöggir hlustendur FM957 hafa sennilega tekið eftir því að Í svörtum fötum hafa þegar gefið út tvö lög sem hafa þessa áherslu. Það varð því mjög kjánalegt.

Ég get ekki sagt að ég bíði spenntur eftir næsta laugardegi, en varla verður það verra. 

Tilviljun?

Fyrr í dag hrósaði ég Ólafi Ólafssyni og frú fyrir að stofna rausnarlegan styrktarsjóð. Ég get því ekki annað en brosað yfir þessari frétt. Það er vissulega mun erfiðara að drulla yfir flottræfilshátt íslenskrar yfirstéttar þegar það var að lofa milljarði til góðgerðarmála fyrr um daginn.

Elton John á Íslandi

2008 presidential elections!

Þessar kosningar verða að öllum líkindum mjög skemmtilegar. Repúblíkanar með allt niður um sig og líklegust til að berjast um kandídatssæti demókrata eru Hillary Clinton (kona) og Barack Obama (svartur). 

Sennilega er ég ekki einn um það að bíða eftir smá tilbreytingu frá  bandarísku íhaldshefðinni.  

Hillary Clinton hyggur á forsetaframboð

Skoðanakönnun

Ég rakst á bloggsíðu, sem er reyndar auð eins og er, nema hvað á spássíunni er að finna sérlega áhugaverða skoðanakönnun. Skemmtilegt sýnishorn af hugsun verðandi unglinga...

Þarf að taka upp forgjafarfyrirkomulag á HM?

Eftir skelfingu á borð við leikinn áðan er ég farinn að velta fyrir mér hvort forgjafarfyrirkomulag væri við hæfi á HM í handknattlei. Þá mynd EM auðvitað verða eina mótið sem skiptir máli, en það er líka alveg nóg að vera með almennilegt mót á 2 ára fresti.

Það er alveg skelfilega leiðinlegt að horfa á heimsmeistaramót þar sem eitt af tíu bestu liðum heims mætir liði sem er sambærilegt við 2. flokk Völsungs (fyrirgefið Húsvíkingar).

En forgjöfin myndi sennilega gera það að verkum að öll slakari lið pökkuðu í vörn og leikirnir yrðu enn leiðinlegri. Eitthvað þarf allavega að gera fyrir þetta mót... 

Guðjón Valur með 15 mörk í 25 marka sigri Íslands gegn Ástralíu

Vinsæll bloggari

Ég rak mig á það áðan að ég er orðinn vinsæll bloggari á blog.is. Eftir að vera einhver verst sótti pistlahöfundur netheima á blogspot hef ég náð skjótum vinsældum á aðeins 10 dögum. Ástæða þess virðist vera sú að ég hef verið fastur heima fyrir vegna veikinda fjölskyldunnar. Það hefur gefið mér rúm til að lesa ótrúlega mikið af netfréttum og koma með ótrúlega mikið af lélegum athugasemdum um þær. Það er gaman að vera vinsæll þegar maður veit af því...

Leyfilegt að nota dauðsmannssæði

Politiken segir frá því, og sennilega mbl.is síðar í dag, að ísraelskur dómstóll hafi gefið leyfi til að frjóvga konur með sæði úr látnum hermanni. 200 konur, sem mér skilst að þekki ekki hermanninn, hafa boðið sig fram.  Þetta finnst mér mjög sérstök viðbrögð.

 Sjá alla fréttina hér.

Ljómandi

Jæja, Arsenal-leikirnir hafa ekki skilið eftir sig stærra sár... Nema sárið opnist ekki fyrr en í seinni hálfleik.

Liverpool komið í 2:0

Skemmtilegt

100-150 milljónir á ári til hjálparstarfs og mennta og menningarmála.

Gefa einn milljarð króna í velgerðarsjóð

Akureyri, fallegasti bær á Íslandi

Þetta segja margir, og svo sem ekkert út á það að setja. Ég vona samt að þessi mynd sem fylgir með fréttinni verði ekki notuð í ferðabæklinga eða aðrar kynningar fyrir kaupstaðinn. Ansi hrörlegt að sjá...

Fjögur umferðaróhöpp á Akureyri

Heimski útlendingur!

Eða hvað? Er ekki fínt að einhver hafi vit á að ráðast á trassaskapinn hjá íslenskum verktökum. Get vel ímyndað mér að einhver hafi reynt að notfræra sér fræga ríka kallinn. Hann segir bara Nei! og fer með þetta í réttarsal. Vonandi að svona mál hræði verstu svikahrappana í bransanum.

Damon Albarn stefnir Hönnun hf.

Jón Baldvin í fimmta sæti?

Mér hefur alltaf líkað ágætlega við Nonna. Hann er laginn við að vera yfirlætislegur án þess þó að mér finnist ég sjálfur heimskur af því að hlusta á hann. 

Hann hefur þó aldrei kveikt í mér, og raunar hef ég aldrei látið mér detta í hug að hann kveiki í nokkurri manneskju annarri en Bryndísi. Annað hefur þó komið á daginn. Fleiri en einn, og fleiri en tveir, voru tilbúnir að nefna nafn hans í kjöri kynþokkafyllsta manns landsins í dag. Merkilegt... 

Gísli Örn valinn kynþokkafyllsti karlmaðurinn

Eru RÚVarar að draga athyglina frá frumvarpinu?

Þetta er alveg hrikalega fyndið, þó ég vorkenni vissulega þeim sem þurftu að hanga fastir í skíðalyftum. Og svo er þetta allt RÚv að kenna, sem er ekki síður fyndið.

Öllum hefur verið bjargað úr skíðalyftunum

Learn the rules!

Ekki bara á Íslandi!

Fólk sem stendur í skipulegri röð er fátíð sjón í Peking þar sem frumskógarlögmálið ræður ríkjum við kvikmyndahús, lestarstöðvar, strætóskýli á leigubílatorgum svo nokkur dæmi séu tekin.

 Ég hélt, satt að segja, að Ísland væri síðasta landið í heiminum þar sem frumskógarlögmálið ræður ríkjum við þessar aðstæður.

Íbúar Peking skikkaðir í röð einu sinni í mánuði og þeim kenndir mannasiðir