Sjipp-o-hoj

Þetta er æðislega heimskuleg hugmynd nördanna hjá Pirate Bay. 

Litlar líkur á að smáeyja verði griðland nútímasjóræningja

Sýndafylgni alþjóðavæðingarinnar

Það er mjög algengt að fólk kasti fram setningum á borð við ,,heimur versnandi fer" eða ,,þetta er á að fara til fjandans" þegar það sér erlendar hörmungafréttir. Mér finnst gaman að heyra þetta, enda gefur það mér færi á að glotta yfirlætislega út í loftið.

Það virðist vera þannig að stór hluti fólks telur heiminn fara ört versnandi hvað varðar náttúruhamfarir og stríðsátök. Þetta er auðvitað vitleysa, enda hefur heimurinn alltaf boðið upp á hörmuleg stríð og hræðilegt veður. Það er bara ekki fyrr en á síðustu árum sem AP, Reuters og BBC eru með fólk á öllum þessum stöðum til að segja frá því sem gerist. Magn frétta sem til okkar berast eykst jafnt og þétt með nýrri tækni, og um leið höldum við að heimurinn verði sífellt hörmulegri.

Snúum okkur þá að fréttinni. Ég tel mig þekkja Guð ágætlega. Hef heyrt af hans helstu verkum, svipað og ég kannast við Picasso og The New York Dolls. Og vegna þess að ég þekki eldri verk Guðs, þá finnst mér fáránlegt að þeir sem hafa varið ævinni í að kynna sér verkin skuli virkilega halda að loftlagsbreytingar séu einn fyrirboði dómsdags.

Guð er einhver dramatískasta persóna bókmenntasögunnar. Hann varpaði plágum framan í Egypta, krafðist dauð Ísaks, tók allt af Job og pyntaði hann mánuðum saman. Og hvað gerir hann næst? Jú, hann lætur andrúmsloftið á jörðinni hitna hægt og rólega og það kann að leiða til leiðinda annað slagið, s.s. óveðurs og hitabylgju á jólunum.

Þetta er ekki kvalalostinn og athyglissýkin sem hefur einkennt Guð í fortíðinni.  

Danskir prestar sjá merki þess að heimsendir sé í nánd

Berjum á eldi með eldi!

Ég er kannski ekki fyrstur með fréttirnar, en ég komst ekki að því fyrr en í gær að Angela Merkel, kanslari Þýskalands, vill víkka út bann á hakakrossinn. Hún vill sem sé að öll Evrópu banni þetta tákn Indverja.

Ekki veit ég hvers konar sýn er þar á bakvið, en aldrei hefur mér dottið í hug að besta leiðin til að berja á fasisma (og það er tilgangur bannsins) sé með fasískum aðgerðum. Ef Evrópa er slíkt drasl að hún ræður ekki við tilveru hakakrossins, held ég að nýnasistar eigi hreinlega skilið að sigra álfuna.

 Indverjar í Evrópu eru auðvitað hundfúlir yfir þessu öllu saman og önnur asísk trúarbrögð eiga líka hagsmuna að gæta.

Wikipedia býður upp á þessa grein um hakakrossinn. 

 

Ég ætla í leiðinni að stinga upp á því að við bönnum ÁTVR lógóið, enda hafa vörur merktar því valdið miklum óþægindum í gegnum tíðina. Eina leiðin til að koma í veg fyrir þessi óþægindi er að láta lógóið hverfa... 

Til hamingju þotulið!

Loksins er hægt að vera big business, London í hádeginu, Frankfurt seinnipartinn-gaur/gella á Akureyri. Megum við ekki búast við því að Kaupþing flytji norður á næstunni? Þar væri komið útsvar sem dyggði fyrir 6 síkjum á ári...

Akureyri, Amsterdam norðursins! 

Icelandair flýgur milli Akureyrar og Keflavíkur í sumar

Poppgetraun #2

Á meðan ríka fólkið fróar sér (sjá meðfylgjandi frétt) vona ég að aðrir takist á við poppgetraun. Aftur eru það plötuumslög sem bera á kennsl á, en að þessu sinni eru getraunin mun léttari. Að sama skapi eru verðlaunin ekki eins mögnuð. Í boði er ókeypis eftirréttur á veitingahúsinu Hereford, að því gefnu að sigurvegarinnn sé tilbúinn að segjast vera Árni Gunnar Ásgeirsson og kaupa sér aðalrétt. Verðlaun verða send í tölvupósti.

 

Nr. 1

 

 

 

 

 

 

 

 

 

Nr. 2

 

 

 

 

 

 

 

 

 

Nr. 3

 

Nr. 4

 

Nr. 5

 

Góða skemmtun! 

Uppkast að söngtexta selst dýrt

Frjálslyndir á síðasta séns

Getur maður annað en vonast eftir framboði Margrétar Sverrisdóttur til formanns frjálslynda flokksins? Gaui og Maggi hafa sýnt skammarlega lélegar hliðar á sér undanfarið og ég sé ekki hvernig dúóið getur unnið traust annarra en nánustu vina sinna í framtíðinni. Guðjón Arnar mætti svo arfaslakur í Kastljósið og tuðaði undir rós, eins og honum einum er lagið. Hann svaraði ekki spurningum og kenndi Margréti um ágreiningsmál innan flokks, en þó í hálfkæringi. Með öðrum orðum mætti Gaui í sjónvarpið og sagði ekki neitt í nokkrar mínútur. 

Margrét er hins vegar mjög vönduð stjórnmálakona sem  hefur kannski ekki skotið föstustu skotunum, en hefur heldur varla stigið feilspor síðustu árin. Eins og staðan er í dag held ég að Margrét sé eini mögulegi bjargvættur flokksins.

Margrét: Hlýt að íhuga að bjóða mig fram í formannsembættið

Útrás íslensks kynþokka

Vegna þessarar fréttar hér að neðan er ég að velta fyrir mér hvort ekki sé hægt að selja bandarískum  konum fleiri miðaldra íslenska karlmenn. Egill Helgason, kyntákn hjá aðalskonum í þýsku sambandsríkjunum eða Íhaldskonur í Svíþjóð slefandi yfir Illuga Gunnarssyni hagfræðingi...

Íþróttaálfurinn orðinn kyntákn meðal kvenna

Aular!

Það er ansi aulalegt þegar Reykjavíkurborg virðist jafn illa undir hálku búin og Casablanca. Sennilega hefði verið fljótlegast ef mötuneytisstarfsmenn í HR og hjá RÚV hefðu komið hlaupandi með borðsaltið og reddað þessu bara.

Mikil umferðarteppa myndaðist vegna tafa við saltburð

Popp getraun

Ég sé að getraunin er að reynast mönnum erfið. Ég hef ákveðið að láta hana standa í viku og skipta henni síðan út fyrir nýrri, og kannski auðveldari, getraun. Eins og er er Helgi sá eini sem hefur þorað og skjóta og mun hann sigra nema einhver bæti um betur. Við erum þó auðvitað öll að bíða eftir að Steinar klári að forrit mynsturgreiningarforritið sem mun gefa honum færi á að googla eftir birtuhlutföllum og litasamsetningum.

Launlaust leyfi?

Það olli mér vonbrigðum að sjá að Ágúst Einarsson telur sig geta skipt um starf en haldið samt gamla starfinu. Mér þykir leiðinlegt þegar fólk lítur svona stórt á sig og telur sig eiga skilið starfsöryggi í opinberu starfi, jafnvel þegar það hættir að sinna því.

Er ekki sjálfsagt að Ágúst Einarsson þurfi að sækja um starf hjá HÍ ef hann vill koma aftur til starfa eftir 4 ár í Borgarfirðinum? Hvað með þann sem verður ráðinn í stað Ágústs? Er ekki sjálfsagt að hann haldi sínu starfi ef hann stendur sig vel?

Er þetta ekki að ætlast til að háma í sig kökuna og eiga hana líka, eins og Bandaríkjamenn segja í sífellu? Ég vona sannarlega að það sé tilætlunarsemi Ágústs, en ekki tradísjón í opinberum stöðum sem leiðir til þessara vonbrigða prófessorsins.

Fær ekki launalaust leyfi

Duglegir blóðgjafar

Magnað að lesa það að 50 manns hafa gefið blóð 100x eða oftar. Ég veit ekki einu sinni hvort  hægt sé að gefa blóð á Akureyri, en ef svo er þarf að vinna mikla PR vinnu  hjá þeim blóðbanka. Vegna þess að ég er ekki alinn upp í blóðgjafa umhverfi hef ég aldrei gefið blóð, og lítið velt því fyrir mér fyrr en ég kom í HÍ. Þar er blóðbankinn auglýstur grimmt og blóðbíllinn kemur reglulega við og tappar THC mettuðu blóði af stúdentum.

Það sem gerði mig svo enn spenntari fyrir blóðgjöfum var þegar ég komst að því að ég er í blóðflokki O-, sem ég held að sé sá sjaldgæfasti á markaðnum. Ástæða þess að ég hef aldrei látið af því verða er að skömmu eftir að ég uppgötvaði blóðflokk minn (sem var á 23ja aldursári og er örugglega Íslandsmet í seinagangi) ákvað ég að bjóða mig fram í lyfjarannsókn hjá háskólanum. Þá var ég stunginn 12x á 9 dögum af læknanema sem dældi í mig sterum og saug úr mér blóð til skiptis. Eftir þessa ömurlegu lífsreynslu hef ég ekki fengist til að vera stunginn enda handleggurinn á mér orðinn eins og á Jared Leto í Requiem for a Dream eftir allt saman.

Sem betur fer eru til menn eins og Sigurður Eggert Ingason sem berja samviskubitinu í hausinn á manni. Ég held að ég geti ekki hundsað blóðbílinn í sinni næstu ferð.

50 hafa gefið blóð 100 sinnum eða oftar

Guðjón Steinn Sigjónsson?

Rosalega er Guðjón Valur líkur Snorra Steini á myndinni sem fylgir fréttinni...

Guðjón Valur í góðu lagi

Taugarnar róaaðar

Þetta voru erfiðar klukkustundir, þar sem við Stúdentagarðingar vorum í óvissu með netsamband næstu 10 daga. Ekki síst vegna þess að verið var að opna fyrir nýtt gagnasafn sem gefur mér mun meiri tækifæri á að nördast. 

Þessu hefur nú verið reddað.  

RHnet semur við Vodafone um fjarskiptasamband við útlönd

Popp getraun nr. 1

Úr því að Helgi stendur sig ekki í framleiðslu getrauna hef ég ákveðið að fylla, a.m.k. tímabundið í skarðið. Hér bið ég um flytjendur og nafn platna. Held að það reynist Steinari erfitt að googla því...

 nr. 1

nr. 2

nr. 3

nr. 4

nr. 3

Sá fyrsti sem svara öllu rétt fær 30 mín. erótískt nudd og titilinn markgreifi í einn dag. 

Ekkert mál að finna kaupendur?

Já, við bíðum öll spennt eftir því að sjá kaupendur að 100 tonnum af hvalkjöti. Og ef það gengur ekki mun Pétur Blöndal sennilega taka að sér að fæða fátæka út úr frystigeymslunum.

Enn þann daga í dag skil ég ekki hvers vegna mín hugmynd hefur aldrei verið tekin til skoðunar. En hún er sú að ef hvalirnir eru að fara svona illa með fiskistofnana þá eigi bara að skjóta þá og sökkva þeim. Skósveinar ríkisstjórnarinnar ráða sjóræningjaskip, skráð í Belize, til að sigla um með fallbyssur og skjóta hvali að næturlagi. Við sporð þeirra er svo bundið lóð (t.d. ónýtt brotajárn) og þeim sökkt. Enginn þarf að vita af þessu, enginn fer í fýlu og í stað þess að vera étinn af hval getur þorskurinn nú gætt sér á rotnandi hræi bundnu við hafsbotninn.

Svona sé ég hvalaskoðun fyrir mér í framtíðinni. Fyrir skömmu síðan var talað um hákarlaköfun í S-Afríku. Af hverju ekki hvalaköfun? En þessu þyrfti auðvitað að halda leyndu fyrir útlendingum... 

 

Um 100 tonn af hvalkjöti enn í frystigeymslum