Kirkjan hafði það rétt

Mér þykir ágætt að sjá að í yfirlýsingu kirkjunnar virðist ekki vera kallað eftir banni á klámhundana. Kirkjan harmar að þeir séu að koma. Ég harma það líka. Mér finnst ekki ástæða til að fagna nýjum súlustað eða kynningu á klámtökustöðum á Íslandi.

Mér dytti þó aldrei í hug að vilja banna fólki að koma. Undanfarna daga hafa femínistar þurft að standa í miklu karpi við aðdáendur kláms og aðdáendur mannlegs frjálsræðis. Því miður hefur þetta karp skarast töluvert og oft er erfitt að sjá hvar klámaðdáandinn byrjar og frjálsráðurinn endar.

Ég myndi falla í seinni kategóríuna. Ég hvet þá sem móðgast yfir kláminu, eða hafa siðferðalegar athugasemdir við klámefni, til að mæta með skilti, vekja athygli á skuggahliðum kláms o.s.frv. í þessari bylgju sem nú ríður yfir.

Mér þykir þó fráleitt að reyna að banna liðinu að koma, enda fátt sem bendir til þess að nokkuð ólöglegt standi til. Mér fannst sorglegt að sjá þegar einn femínistinn stakk upp á því að stjórnvöld stöðvuðu komu þessa fólks, enda hefðu þau gert slíkt áður, s.s. falun gong, mótorhjólagengi o.þ.h. Þetta voru aðgerðir sem allir ættu að fordæma. Aðgerðirnar voru öllum til minnkunnar og amatöralegar í besta falli. Stjórnvaldið var einfaldlega hrætt og vissi ekki hvað það átti að gera annað.

Slíkar aðgerðir ætti enginn að vilja. Ég er nokkuð viss um að þessi sami femínisti hafi verið ósáttur við framkomuna gegn falun gong, en nú, þegar það hentar hennar málstað, á að fara að merkja hópa og banna þeim að koma. Skammastu þín! 

Hörð mótmæli vegna klámþings

Athugasemdir

[baldur (IP-tala skráð) 19.2.2007 kl. 15:45]

Ég ræddi við konu, um daginn, um hvað klám er (veit ekki hversu mikill femisnisti hún er, þ.e. hvort hún sé formlega meðlimur í einhverjum samtökum). Flest skynsamt fólk gerir sér grein fyrir því að viðunandi skilgreiningu á klámi skortir. Við verðum í fyrsta lagi að gera okkur grein fyrir því að jafnvel klámaðdáendur fyrirlíta nauðganir og mansal, þannig að ágreiningurinn snýst yfirleitt ekkert um það, heldur þetta stjörnuklám sem er meir og minna rekið AF KONUM ef marka má Jennu Jameson, og við höfum yfirleitt ekkert fyrir okkur í því að klámdrottningarnar (þar á meðal Jenna sjálf) fíli þetta ekki í botn. Ég velti því fyrir mér hversu mikil niðurlæging, á konur sérstaklega, um er að ræða þegar allt kemur til alls, en það er einmitt það sem sérkennir klám og greinir það frá "erótík" að mati konunnar sem ég ræddi við. Mig minnir að biskupinn hafi tekið aðeins hlutlausar til orða og kallað þetta niðurlægingu fyrir manneskjuna. Samkvæmt skilgreiningu konunnar sem ég ræddi við er hommaklám ekki til og getur aldrei orðið til (þó býst ég við því að hún myndi aldrei gangast við því ef hún yrði krafin um svar við þeirri spurningu). Samkvæmt skilgreiningu biskups er hommaklám til. Vandinn hérna er að mínu mati sá að einu fræðimennirnir sem láta sig þetta mál varða eru femínistar og á meðan þannig er ástatt munu skilgreiningar alltaf litast af því.