Róttækir nýfrjálshyggjumenn hóta árásum á Ísland vegna Halldórs Laxness

Halldór talaði mjög illa um vestrænan kapítalisma, beint og óbeint. Ef um raunverulega hugsjónamenn er að ræða í röðu NFM ætti íslenska þjóðin jafnvel að búast við refsingum af þeirra hendi. Árásirnar gætu verið í formi skatta eða endurríkisvæðingu bankanna. Eins gott að losa sig við yfirdráttinn strax.

Hótar hryðjuverkaárásum á Bretland vegna Rushdies

Amateur video!

Sjá frétt 

 

Eins og Willie sagði svo eftirminnilega: I love amateur video, and yours was the most amateur video I ever saw!

Ef skoðuð er síða Springfield keppninnar hjá USA Today kemur í ljós að í þessari keppni  býður upp á einhver allra verstu myndbönd á vefnum í dag. Þá er YouTube talið með. En ef þið eruð fyrir amateur video endilega kíkið.

Springfield í Vermont hreppti frumsýninguna

Harðfiskvísitalan o.fl. nýjungar í hagfræði

Það eru nokkrar vísitölur sem ég bíð ennþá eftir að verði teknar saman:

1. Harðfiskvísitalan - Ég veit að harðfiskur er búinn til bæði í Noregi og á einhverjum eyjum Karíbahafs. Hvað ætli hann kosti þar? Borgar sig kannski að flytja harðfiskinn inn frekar en að greiða kílóverð silfurs fyrir flökin?
2. Rafmagnsvísitalan - Ég er hræddur um að ansi margir gjaldmiðlar þættu ofmetnir miðað við þann íslenska ef keppt væri í kílóvattstundum.
3. Hitaveituvísitalan, sjá rafmagnsvísitölu.
4. Smokkavísitalan - Hvað kostar öryggið unglingana? Smokkapakkinn er allavega orðinn ansi dýr, þrátt fyrir að vera kominn í hillur bónus. Er fylgni á milli smokkaverðs og svokallaðra ótímabærra þungana? Er fjölgun íslensku þjóðarinnar, þvert á trendið í Evrópu, kannski þessu háa smokkaverði að þakka?
   
5. Slúðurvísitalan - lesnar fréttir af hjónabandi Brangelínu (er þetta ekki rétt?) sem hlutfall af meðalgreind x kvaðratrótin af of stórum flíspeysum merktum fyrirtæki í notkun á heimilinu.

En eins og svo oft áður er ég skrefi á undan akademískri hagfræði. Því má búast við nokkurri bið á birtingu þessara vísitalna.

Íslenska krónan ofmetnasta myntin samkvæmt Bic Mac vísitölunni

Can I ask fatty...

Það hefur alltaf loðað við karlmenn að þeir vita ekki alveg hvað má segja og hvenær á að þegja. Stundum getur verið gott að fá álit annarra kvenna áður en spurning er borin fram...

 

Hér eru svo tvö myndbönd sem margir hafa séð, en sennilega ekki allir þó. Tilvist almættisins sönnuð með banana: 

Á þessari slóð má svo sjá hvernig bananar sem ekki eru úrkynjaðir af manninum líta út. Ekki sýnist mér þeir fara vel í hendi, og hörð bananafræ eru ekki það sem ég óska eftir frá almættinu.

Skárra útlit og heimildarmyndir

Mér finnst þetta aðeins skárra. Ekki eins margir kassar...

 

Annars býð ég upp á þetta fræðslumyndband:

 

Fyrir u.þ.b. 2 árum fann ég texta sem féll afar vel að þessari heimildarmynd Matt Stone og Trey Parker á heimsíðu síentólóga, www.scientology.com. Nú virðast þeir fela þessa undirstöðufrásögn trúar sinnar, enda svo fáránleg að hún hlýtur að vera ólíkleg til að laða að fylgismenn.

 

Hér er svo heill þáttur af South Park sem inniheldur meðal annars heimildarmynd um bakgrun mormóna. Það er ekki síður áhugavert. Hér er svo wikipedíu hlekkur um mormónabókina, sem sýnir þetta er enginn skáldskapur hjá Stone og Parker.

Enn er þó beðið eftir almennilegri úttekt á mótmælendum í South Park. Hún hlýtur þó að vera á leiðinni. 

Can you imagine if I was derranged?

Guðlaugur Þór og HEIMSbókmenntirnar

Það vakti athygli mína þegar ég sá Guðlaug Þór Þórðarson, heilbrigðisráðherra, í viðtali í sjónvarpsfréttum í kvöld. Ég veit satt að segja ekki hvað var rætt við ráðherrann, enda gat ég ekki rifið augun frá bók í hillu skrifstofu GÞÞ. Það var Atlas of Creation, en hún er eftir múslímskan trúarspeking og fjallar um fráleita kenningu Darwin um þróun lífvera.

Nú spyr ég: Er Guðlaugur Þór sköpunarsinni? Það væri áhugavert að vita, enda held ég að það sé afar óheppilegt ef  sköpunarsinni stjórnar fjármagni heilbrigðisráðuneytis.

Það má þó allt eins vera að bókin hafi verið gjöf, að Guðlaugur hafi áhuga á menningu miðausturlanda, eða bara eitthvað annað. En þetta er óneitanlega forvitnilegt... 

Mannekla á elliheimilum? Vélmenni spila vist!

Til hamingju HR fólk sem vann þessa keppni (sjá frétt).

Í þessu samhengi bendi ég á fyrirlestur Hannesar Högna annað kvöld sem ber heitið Stafrænir holdgervingar í félagslegum sýndarheimi: Hvernig sálfræði og félagsvísindi nýtast við hönnun og smíði myndrænna samskiptakerfa. Sjá meira um þetta á wwwResExtensa.org.

En titillinn er ekkert grín... a.m.k. ekki fyrir aldraða, sem eiga á hættu að vera sigruð í félagsvist og bingó af vélmennum í náinni framtíð.  

Að lokum bendi ég á að Ian Watson flytur einnig fyrirlestu þetta sama kvöld, en hann er á ensku og fjallar um samskynjun eða synesthesia. Fyrirlestrarnir fara fram á Café Victor kl. 20:00, annað kvöld (5. júlí).  

Íslenskur hugbúnaður sigrar í gervigreindarkeppni

Slanguryrðið gervigreind?

Myndbandið sem fylgir fréttinni sem fylgir færsluna sýnir fólk í leik sem virðist afar skemmtilegur. Mér varð þó brugðið þegar þessi fréttamaður með E!-rödd talaði um gervigreind í þessu samhengi. Satt að segja hlýtur það að vera ansi móðgandi fyrir þá sem standa með fjarstýringar og stjórna vélmennunum. Ég vil allavega eiga heiðurinn að því sjálfur, þegar ég kveiki á sjónvarpinu kl. 18.59 til að sjá sjónvarpsfréttirnar.

 

 

Annars gæti ég vel trúað því að gervigreind, eða a.m.k. artificial intelligence, verði bráðlega orðið slangur sem notað verður til að tákna ýmislegt sem hefur ekkert með greind að gera, þ.e. aðgerðir sem eru algerlega mekkanískar. (Deilan um hvort gjörðir mannsins séu mekkanískar verður ekki tekin upp hér).  

Litlar og stirðar knattspyrnustjörnur

Misskilningur?

Vísir segir frá því að nú hafi fyrirtækið Alnet þróað forrit sem þýðir íslensku yfir á setningafræðilega rétta ensku. Ég geri ráð fyrir að forritið sé öflugra en hið sívinsæla Babelfish. Sömuleiðis er ég alveg viss um að forritið inniheldur einhverja galla, og það verður virkilega spennandi að frétta af misskilningi þar sem bíssness- og jafnvel stjórnmálamenn fara að misnota forritið án þess að lesa þýðinguna yfir. 

 

Fréttir á borð við

Baugur leggur fram kæru á hendur Alnets vegna milljarðataps. Forstjóri alnets mælir gegn því að nota núliðna tíð.

og

Nýtt þorskastríð á misskilningi byggt.

eiga sennilega eftir að skemmta landanum og selja DV í stórum stíl.

Res Extensa: Fræðakvöld 5. júlí

Næsta fræðakvöld Res Extensa verður haldið fimmtudaginn 5. júlí kl. 20 á efri hæð Café Victor. Fyrirlesarar eru Hannes Högni Vilhjálmsson og Ian Watson.

Hannes Högni er lektor í tölvunarfræði við Háskólann í Reykjavík og starfar einnig í CADIA: Gervigreindarsetri Háskólans í Reykjavík. Fyrirlestur hans nefnist: "Stafrænir holdgervingar í félagslegum sýndarheimi: Hvernig sálfræði og félagsvísindi nýtast við hönnun og smíði myndrænna samskiptakerfa". Vefsíða Hannesar Högna.

Ian Watson er aðjúnkt við félagsvísindadeild Háskólans á Bifröst, og er menntaður í bæði málvísindum og félagsfræði. Ian ætlar að fjalla um samskynjun, hið undarlega en jafnframt áhugaverða ástand þegar skynfærunum virðist slá saman þannig að fólk segist til dæmis sjá tónlist í litum eða finna bragð af orðum. Ian flytur fyrirlestur sinn aðallega á ensku, sjá nánari lýsingu hér fyrir neðan. Vefsíða Ians.

Synesthesia is back on cognitive scientists' radar screen after several decades of obscurity. A surprisingly large number of people associate letters, numbers, or musical notes with colors. Nobody really knows why people do this, but new methods allow researchers to study these associations systematically and precisely. The word "synesthesia" implies a mixture of the senses, but colored letters are less sensory perceptions than private labels for sets of things. Ian has followed research on synesthesia for some years and will introduce the audience to it.

Charge!

Kolefnisjafnar þessi?

Þessi tiltekni hálfviti hlýtur að vera með minnsta typpi í veröldinni, ef marka má vestrænar nútímaþjóðsögur. 

Annars verða svona hálfvitar til þess að hálfvitar eins og ég sjá ekki tilgang í verkefnum á borð við Kolvið. 

A380 sem einkaþota

Takk takk

Nóg komið af áli. Af hverju ættum við líka að vera að búa til störf í Hafnarfirði, þegar höfuðborgarsvæðið er svo yfirfullt af störfum að aðeins 14-16 ára unglingar fást til að afgreiða í búðum, aldraðir fá ekki þjónustu og leikskólar eru undirmannaðir.

Af hverju ættum við svo sem að vilja þennslu þegar hún er að fara svona illa í okkur núna? Af hverju ættum við að vilja yfirdráttarvextina í 26%? Þegar Davíð Oddsson er kominn með áhyggjur af stóriðjunni, þá get ég ekki annað en trúað að áhyggjuefnið sé raunverulegt.

Allavega, takk fyrir þessa ásættanlegu kosningu og til hamingju Hafnarfjörður.  

 

E.s. Meðan ég man. Ég heyrði einhvern tala um það í gær að ef ál væri ekki framleitt á Íslandi er það framleitt annars staðar. Sennilega er það rétt. En það kostar þá meira að framleiða það (lágt orkuverð er jú ástæða framleiðslunnar á Íslandi), og ef það kostar meira er minna keypt af því. Víða er t.d. hægt að kaupa íste og ávaxtasafa í dósum. Ókolsýrðir drykkir hafa ekkert í ál að gera og ef ál verður dýrara en fernur verða þessir drykkir settir í fernur. Svona er mér sagt að bíssness virki þar sem hann er tiltölulega frjáls. Að sleppa álframleiðslu á Íslandi getur því vel haft áhrif á hversu mikið ál er framleitt í heiminum.  

Hafnfirðingar höfnuðu stækkun álversins

Leggið við hlustir!

Elsku lesandi.

Nú hefur ný útvarpsstöð hafið útsendingar í Reykjvík, og gengur hún undir heitinu Reykjavík fm. Þessi útvarpsstöð er sú langbesta sem Reykvíkingar hafa fengið að njóta, og þá er ég ekki að gleyma gamla X-inu. Útvarpsstöðin er hvorki að týna sér í gullaldarglamúr né að runka nýjum lögum, sem eiga kannski ekki við, en eru bara svo vinsæl að það verður að spila þau (skammastu þín Matti!).  

Þeim hefur þannig tekist að yfirstíga 2 stærstu vandamál rokkútvarpsins og útkoman er frábær. Vinsamlegast hlustið á þessi útvarpsstöð á tíðninni 101,5 eða www.reykjavikfm.is. Það er nefnilega nú eins og alltaf að um leið og góð útvarpsstöð byrjar fer ég strax að kvíða því þegar hún fer á hausinn...

Aftur: hlustið á 101,5 eða www.reykjavikfm.is