Múmínsnáðinn í Springfield!

 Ég verð að fá að hneykslast opinberlega á því hörmulega vali leikstjóra íslensku simpsons þýðingarinnar að nota Sigrúnu Eddu Björnsdóttur í hlutverk Bart. Sigrún Edda Björnsdóttir er einhver allra versti hljóðsetningarleikari á Íslandi, enda hefur hún notað sömu röddina í öllum hlutverkum sínum alveg síðan hún talaði inn á múmínálfana. Og ef einhverjum finnst allt í lagi að múmínsnáðinn sé í Simpsons myndinni þá ætti þessi mynd að telja þeim hughvarf:

 

Sjá auglýsingu með íslensku tali 

Listræn hóra glennir sig í hásæti hennar hátignar!

Þetta Þhlýtur að vera einhver skemmtilegasta frétt dagsins. Þessi indæla hóra hefur nú saurgað móttökusal drottningarinnar, sem er meira afrek en flest þau sem Margrét Þórhildur getur státað af. Hún hefur lítið gert annað en að fæðast, reykja og vinka. Hóran hefur hins vegar tekið upp á þessum stórgóða gjörningi, þrátt fyrir öryggisgæslu og bágan kost. Mér skilst að hún hafi ekki einu sinni haft með sér ljósmyndara.

Ég hylli þessa gullhjörtuðu hóru sem hefur endurvakið vonir mínar um að fólk sjái fljótlega í gegnum konungsveldin og losi sig við þessar aumingjans myndastyttur sem aldrei eiga frjálst val um hvað skuli gera með eigin líf. 

Frelsum lýðin og aristókratana á einu bretti! 

Verðhurn á Akureyringum

Þegar ég bjó á Akureyri hafði ég áhyggjur af því að bærinn stækkaði of hægt og að hagsæld samfara stækkun væri ekki á næsta leyti. Ég veit reyndar ekki betur en að Akureyri sé enn láglaunasvæði og vöxtur gangi kannski alveg jafn hratt og óskað var eftir, þrátt fyrir að þetta síðasta þúsund (þ.e. fjölgun úr 16 í 17 þúsund) hafi líklega verið hraðasta fjölgun í sögu bæjarins.

Nú er ég hættur að hafa áhyggjur af smæð Akureyrar. Ég hef meiri áhyggjur af fallandi Akureyringavísitölu. Maður finnur sig lækka í verði eftir því sem Akureyringum fjölgar, og nú þegar fjölgunin er orðin þetta hröð kemst maður ekki hjá því að hugsa til verðbólgunnar á kreppuárunum í Þýskalandi.

Ætli Vestfirðingar verði ekki verðmætastir í framtíðinni? 

Akureyringar orðnir ríflega 17.000

Klapp á bak mbl.is

Eftir ótal kvartandi og kveinandi bloggfærslur, og stundum jafnvel lesendabréf, nörda og áhugamanna um vísindi, lýðfræðslu og sannleika, sýnis mér það nú verða æ algengara að mbl.is birti hlekki á frumheimildir með vísindafréttum. Þetta er gríðarlegur kostur, ekki síst þegar menn á borð við Kristján Arngrímsson, sem neita að skilja muninn á fréttamati og góðri fréttamennsku annars vegar, og hugsunarlausri þýðingu erlendrar smáfréttar hins vegar. Nú virðist þetta þó vera orðið svo að stundum finnst þeim rétt að tengja fréttirnar rannsóknum, sem er vel.

Mig langar um leið að stinga upp á einni vinnureglu í sambandi við vísindafréttir: Ef höfundur fréttar hefur ekki kynnt sér efnið nægjanlega vel til að birta heimild, þá ætti hann alls ekki að vera að skrifa fréttina. Með heimild er átt við að höfundur geti sett heimildina upp í heimildaskrá. Og úr því að engar fréttir verða birtar án þess að hægt sé að geta heimilda, þá er tilvalið að birta einmitt heimildina með fréttinni hverju sinni þegar ekki er hægt að hlekkja beint við hana, s.s.

• Christakis, N.A. og Fowler, J.H. (2007). The spread of obesity in a large social network over 32 years. New England Journal of Medicine, 357 (370-379). 

Eins og sjá má er þetta bæði snyrtileg og þægileg leið til að sýna hvaðan fréttir koma, en auk þess til að miðla frekar þekkingu til lesenda sem hafa áhuga og taka þannig þátt í menntun þjóðar.  

Vísindamenn segja að offita geti verið smitandi

Mér gæti ekki verið meira sama

Hvort var það í baðinu eða á klósettinu? Jim dó sem sá ræfill sem hann var orðinn. Ég ætla hins vegar að hlusta á Awake kaflann af An American Prayer í tilefni þessarar fréttar.

Ég veit samt um eina sem er eflaust að velta þessu mikið fyrir sér núna. Það er stelpan sem, þá 17-19 ára á að giska, grét lát Jim Morrison í Pere Lachaise krikjugarðinum vorið 2004. Rosalega hlýtur maður að þurfa að vera dekraður til að gráta einhvern sem maður hefur aldrei kynnst, rúmum 30 árum eftir lát viðkomandi.

Fannst ykkur þetta ekki annars sorglegt með hann Jónas? 

Lést Morrison í næturklúbbi eða í baðkarinu?

Hlekkur vikunnar

Hér á eftir fylgir hlekkur vikunnar. Vek athygli á English version og Video svæðum síðunnar. Annars bara: No Konnent.

Small time crooks

Þetta þykir mér afar leiðinlegur leikur hjá þessum lúserum. Þegar ég var á Spáni fyrir nokkrum árum síðan var öllum treyst til að borga í öskubakka á borðinu, og peningarnir voru ekki einu sinni taldir fyrr en fólk var komið úr augsýn. Veitingamenn á Suður Spáni töldu sem sagt ekki ástæðu til að vantreysta gestum þrátt fyrir að glæpatíðni sé þar líklega mun hærri en á Íslandi. Íslenskt veitingafólk þarf hins vegar að fylgjast með því hvort konan í Burberry kápunni og maðurinn á VW jeppanum séu nokkuð að svíkjast um að borga fyrir matinn.

Áttu ekki fyrir reikningunum

Loksins komin fjórða myndin um Dirty Harry!

Framhaldsmyndasumarið mikla heldur áfram

Er ekki búið að drepa á alla vegu allstaðar?

Þetta er ekki í fyrsta skipti sem þarf að klippa úr myndum eða sjónvarpsefni, eða jafnvel henda mynd sem byrjað er að framleiða, vegna þess að atriði líkjast einhverjum "high profile" atburði í BNA. Þetta þykir mér svo agalega bjánalegt að það nær ekki nokkurri átt. Eins og ekki sé búið að drepa einhvern á alla vegu allstaðar í heiminum? Nú hljóta atriði þar sem einhver er skotinn í húsasundi eða innan eigin heimilis að líkjast hræðilegum atburðum í lífi þúsunda, ef ekki tugþúsunda, Bandaríkjamanna? Ég er þó með nokkrar tillögur um hvernig drepa megi fólk í sjónvarpi án þess að margir þurfi að rifja upp eitthvað hræðilegt úr sýni lífi (eða fréttunum, sem virðist jafn hræðilegt fyrir suma eða a.m.k. jafn "offensive"). 

1. Sauma fyrir rassgatið á manni (úr kvikmyndinni Seven) og láta hann éta kúrbít þar til hann springur. Engin hætta á að nokkur Bandaríkjamaður hafi dáið úr grænmetisáti.
2. Ráðist er á fórnarlamb með blautan íslenskan fána. Hann er vafin eins og handklæði þannig að úr verði þungt barefli. Fórnarlömb eru svo lamin til dauða. Engin hætta á að fólk hafi upplifað það í alvörunni, enda íslensku fánalögin slík að dauðadómur (16 ár) hlýtur að vera dæmdur í slíkum málum.
3. Fórnarlömbin eru drepin með inntöku blárra m&m mola auk þess að drekka gamla neutrasweet diet kókið. Þetta er samt ekki mjög sínematísk leið að markmiði (dauða).
4. Barn deyr í boltalandi í bandarísku IKEA. Öryggisgæsla hjá stórfyrirtæki í BNA hlýtur að vera slík að enginn hafi einu sinni hóstað í boltalandi.
   

Óskað er eftir fleiri nýstárlegum leiðum til að drepa.

Skólaatriði Tortímandans endurskoðað

Einfaldleikinn, náttúran er aldrei flókin...

Mér fannst svo skemmtilegt að heyra Ásbjörn Morthens segja í bílaauglýsingu að náttúran sé aldrei flókin. Við skulum líta á nokkur dæmi:

 

 

 

 

 

 

 

 

Þetta er auðvitað útúrsnúningur, en  um leið kjörið tækifæri til að benda á hann Mofa. Hann er hressasti sköpunarsinninn á Íslandi í dag og er óhræddur við að birta okkur hinum fréttir af vísindamönnum kirkjunnar í henni Amríku. Þessi maður á alltaf heima í favorites.

 

Íslenski eltingaleikurinn

Ég geri mér grein fyrir því að ég er ekki fyrstur til að birta þetta myndskeið. En fyrir þá sem ekki hafa séð það áður, þá er bara frekar fyndið að sjá hvíthyski á pikköpp reyna að stinga lögguna af í íslensku úthverfi. Ætli ökumaðurinn sé með derhúfu í hvítum hlýrabol?

 

Hvaða leiðindi?

Þetta eru ótrúlegar fréttir, ekki síst eftir velgengni Joey þáttaraðarinnar...

Ekki meiri Vinir

Múgurinn er heimskur

Við þetta er engu að bæta.

Hundurinn Lúkas á lífi

Meira um vídjó

Rosalega eru þessi slökkviliðsmenn miklir aular. Eða af hverju er þetta myndband ekki löngu tilbúið, tæpum 6 árum eftir níuellefu?

Það er ekki að sjá að lýðræðið sé að fara vel með Bandaríkin þegar stór hluti kosningarbáráttu gengur ævinlega út á svona og sambærileg myndbönd.

Guiliani, þá þjóðhetja, stóð sig ömurlega haustið 2001. Barrack Obama var í sjálfsmorðsárasarskóla í Indónesíu. Hillary Clinton er í rauninni karlmaður... Þetta er jafnvel enn leiðinlegra en hefðubundin stjórnmál. Það kæmi mér ekki á óvart ef baráttan yrði hvað hörðust milli frambjóðenda um aðgang að sjónvarpsstöðin E! Það gæti frambjóðandi prísað sig sælan ef hann nær þriðju frétt, á eftir Paris Hilton bakkar aftur á og er Clay Aiken ekki hommi eftir allt saman?

Slökkviliðsmenn í New York gagnrýna Giuliani

Þessi markaður

Það er eitthvað óþægilegt við það þegar fyrirtæki tilkynnir um söluaukningu, og sölutekjuaukningu í framhaldinu, og bréfin í því lækka svo um 1,3%.

Hvað segja þeir fjölmörgu viðskiptafræðingar sem eru fastagestir á síðunni? Hvaða post-hoc skýringu notum við á svona? Voru spákaupmenn að ná sér í bréf fyrir tilkynninguna, en svo kom í ljós að aukningin var ekki eins mikil og búist var við? Eða er þetta kannski bara innan skekkjumarka?

Sala Burberry jókst um 24%