Riddaramennska?

Ég hélt að konur væru bara fullfærar um að opna hurðir sjálfar.

Liverpool og Birmingham ruddalegustu borgir Bretlandseyja skv. könnun

Skilur einhver blackface?

Ég googlaði aðeins út frá meðfylgjandi frétt og komst að því að það sem er svona dónalegt er að Shetty fékk leikara til að mæta með svokallað blackface og vera með gamanmál. Þetta blackface þykir hrikalegt í samfélagi svartra, og víðar þar sem svartir eru hluti íbúa, s.s. í BNA. Mér skilst að blackface sé svona móðgandi vegna þess að í gamla daga voru blökkumenn leiknir af hvítum í leikritum og þá hafi þeir gjarnan verið sýndir á niðrandi hátt. Nú virðist það vera svo að blackface sé sjálfkrafa móðgandi. 

Þetta þykir mér afar leiðinlegt. Mér finnst alltaf asnalegt þegar búinn er til bannfærður helgidómur úr óþægilegum táknum. Bannfæring á hakakrossinum í Þýskalandi (sem Angela Merkel vonast til að leggja á alla Evrópu) er samskonar mál.

Ef ég kýs að setja upp leikrit um litla svarta Sambó, og enginn í áhugamannaleikhúsinu er svartur, mála ég einhvern svartann og læt hann leika. Ég fer ekki niður í alþjóðahús og safna undirskriftum fyrst. Ef mér finnst fyndið að gera grín að einhverjum svörtum, geri ég það. Ég ætlast til að svartir geri grín að hvítu fólki sem því finnst spaugilegt eða kjánalegt.

 

Í sem skemstu máli vil ég útrýma allri helgislepju. 

Shilpa Shetty sökuð um kynþáttafordóma

Hvaða vitleysa?

Er það ekki sögufölsun að breyta kyni biblíunnar? Voru íslenskar þýðingar rangar, af því að þýðendur ,,héldu með" körlum, eða voru þeir sem skrifuðu bækur biblíunnar einfaldlega karlrembur? Ég held að það seinna eigi við og þess vegna þykir mér kjánalegt að breyta þýðingunni á þennan hátt.

Það er leiðinlegt að kristin trúarhefð boði ekki meira umburðarlyndi en raun ber vitni. Það er leiðinlegt að konur sé ekki jafnar körlum í biblíunni og samkynhneigðir megi ekki láta eins og þeim er eðlislægt. Þetta er allt voðalega leiðinlegt, en svona er það nú samt. Þetta ætti ekki að vera neitt sérstakt vandamál þar sem ekki er ætlast til að fólk trúi á biblíuna í dag.

Sjálfur hef ég svo sem engra hagsmuna að gæta. Ég trúi ekki því sem í biblíuna er ritað, hvort sem hún er skrifuð í karlkyni eða hvorugkyni. Það mætti breyta Golíat í geimveru og Móse í kíklóp mín vegna. Ég kemst samt ekki hjá því að finnast þetta allt saman mikil hræsni. Okkur er ætlað að trúa á eitthvert rit sem óskeikult orð drottins, en svo má breyta því eftir tíðarandanum.

Sömuleiðis er umræðan um kyn Guðs einhver sú kjánalegasta. Sr. Auður, frægasti kvenprestur kristinna Íslendinga, hefur margoft komið fram í fjölmiðlum og rætt um þær mörgu vísbendingar um að Guð sé kona. Mig hefur alltaf langað að spyrja hana hvers vegna Guð ætti yfirleitt að vera -kyns. Ekki er hann að ríða öðrum guðum af gagnstæðu kyni. Varla fer hann á túr, í mútur eða lendir í öðrum kynbundnum vandræðum. Guð hlýtur í eðli sínu að vera kynlaus vera.

Ég ætla að mæla með því að þeim sem þykir Guð ekki nógu góður við konur, minnihlutahópa, Rómverja eða bara einhvern, finni sér ekkert eða eitthvað annað til að trúa á. Að breyta kristni er ekki að vera kristinn heldur eitthvað allt annað. 

„Biblía 21. aldarinnar“

Random number generator

Gerum eins og Noel! Leysum fimmtudagsgátuna.

Sjá meðfylgjandi frétt: 

Ég myndi einmitt viilja segja það sama við Noel, þ.e.: haltu kjafti og spilaðu á gítar. Það eru einmitt allir komnir með leið á þessum ,,rants" hans um alla skapaða hluti. Ég ætla þó að hlýða honum og gera það sem fólk ætlast til að ég geri, setji inn poppgetraunina á fimmtudegi. Það virkaði vel að hafa 8 myndir í síðustu kvikmyndagetraun og þess vegna ætla ég að prófa að hafa átta plötur í poppgetrauninni.

 

#1

 

#2

#3

#4

#5 

#6

#7

#8

 

Góðar stundir! 

Gallagher segir Bono til syndanna

Kvikmyndagetraun

Ekki man ég eftir að hafa fengið boð um áfallahjálp þegar ég las Bróðir minn Ljónshjarta, en krakkar í dag eru bara svo dekraðir. Annars hefði ég helst af öllu þegið áfallahjálp þegar ég sá stórmyndina The New Guy, enda hef ég aldrei jafnað mig á því áfalli.

 

Poppgetraunin klikkaði eitthvað á fimmtudaginn síðasta, en þess í stað verður kvikmyndagetraunin óvenju vegleg. Beðið er um nafn á kvikmyndunum 8.

 

#1

 

#2

#3

#4

#5

#6

#7

#8

 

Góða skemmtun! 

Hvað ef Harry Potter deyr?

Ælandi sannanir og Poppgetraun #3

Þá mun það vera vísindalega sannað, að hljóðið sem heyrist þegar kastað er upp er það óþægilega sem fólk heyrir. Þá hefur komið í ljós, að konur eru viðkvæmari fyrir hljóðum en karlmenn.

 

Þetta stendur í meðfylgjandi frétt. Þykir mér miður að blaðamenn morgunblaðsins hafi ekki en lært merkingu hugtakanna: vísindalega og sannað. Þeir þurfa jafnvel ekki að þekkja merkinguna. Þeir þurfa bara að vita að engin rannsóknar sannar neitt vísindalega. Stærðfræðingar sanna, EKKI vísindamenn. 

 

En í dag er fimmtudagur og komið að poppgetraun. Eins og venjulega er óskað eftir plötuheiti og flytjanda. Eins og venjulega eru verðlaunin glæsileg að uppfylltum skilyrðum:

Lýsing:
Gegn framvísun þessa miða fær Árni Gunnar Ásgeirsson 25% afslátt af matseðli hjá veitingastaðnum Vín og skel. Gildir mánudaga-fimmtudaga. Eingöngu er hægt að nota miðann einu sinni. Vinsamlegast látið vita þegar pantað er að um glaðning á Núinu sé að ræða.

Eins og síðast þarf sigurvegari að vera tilbúinn að þykjast vera ég til að njóta verðlauna. 

 

Nr. 1

 

Nr. 2

 

Nr. 3

 

Nr. 4

 

Nr. 5

Æluhljóð það versta í heimi

Hversu oft?

Elsti núlifandi einstaklingur í veröldinni er látinn.

 

Hvað ætli blaðamenn á Íslandi, og í heiminum öllum hafi oft gert þessi mistök? Mistökin ættu í raun að öskra á höfund fréttarinnar, enda ættu orðin núlifandi og látinn aldrei að koma fyrir í sömu setningunni. 

Elsti maður heims látinn 115 ára að aldri

Nýtt fyrirkomulag óskast!

Ágætur leikur. Íslendingar voru lélegir, svo allt í lagi og loks góðir.

 

Ég ætla þó ekki að gera það að umtalsefni mínu sérstaklega. Það er fyrirkomulag þessarar kjánalegu keppni sem mig langar að skoða.

Hlýtur það ekki að vera gallað fyrirkomulag þegar Ísland má ekki vinna Frakka með of miklum mun, því þá geta þeir endað stigalausir í milliriðli? Er ekki eitthvað að þegar þjálfari landsliðsins þarf að hrópa ,,ekki skora, ekki skora" inn á völlinn?

Einhver sagði mér að fyrirkomulagið væri eins og það er til að spilaðir séu fleiri leikir. Ef menn vilja fleiri leiki þarf að hafa tvöfalda umferð í riðlakeppni eða stækka riðlana (þannig að fleiri lið spili fleiri leiki). Lausnin getur aldrei verið sú að liðin fái færi á að vinna og tapa taktískt, eins og þegar Íslendingar þurftu að passa sig gegn Frökkum. 

Þá ættu flestir knattspyrnuáhugamenn að þekkja það hversu miklu meira spennandi er að horfa á útsláttarkeppni en milliriðla.  

Það hlýtur að vera besta mögulega fyrirkomulag þar sem lið græðir alltaf á því að vinna og tapar alltaf á því að tapa. Svoleiðis er það ekki í dag, og hefur ekki verið í langan tíma í hanboltanum.

HM: Ísland lagði Túnis með sex marka mun

Starfsöryggi?

Pfizer ætlar að fækka um 10 þús. starfsmenn á næstunni. Kannski fátt merkilegt við það, nema þá vegna þess að í gær birti mbl.is frétt þar sem sagt frá þreföldun á hagnaði Pfizer. 

Það hlýtur að hafa verið gaman á þessum starfsmannafundi: ... og þess vegna getum við greitt út $ XXX milljarða í arð  til hluthafa okkar. Það er samt alls ekki nóg... og því... eruð þið öll rekin!

Pfizer segir upp 10 þúsund manns